Бүген көндез Учалы юлында авариядә 2 кеше үлгән, 4 кеше имгәнгән
60
Башкортстанда авариядә 2 кеше һәлак булган, 4 кеше имгәнгән, аларның икесе – балалар. Бу турыда Дәүләт автоинспекциясенә сылтама белән «Башинформ» хәбәр итте.
Якынча белешмә буенча, бүген көндез Учалы – Межозерный юлында «ВАЗ-2110» машинасы каршыга килә торган «Шакман» йөк машинасына бәрелә.
Авариядә җиңел машина йөртүчесе һәм аның пассажиры – хатын-кыз урында ук үлә. Тагын 4 пассажирын, шул исәптән 2 баланы, «ашыгыч ярдәм» машинасы хастаханәгә алып китә, диелә хәбәрдә.