Утлы фаҗига: коточкыч авариядә 3 кеше һәлак булган
4028
30 августта көндезге унберләр тирәсендә Белгород өлкәсенең Волоконовский районындагы «Новый Оскол - Валуйки - Ровеньки» юлында «ВАЗ - 2106», «ГАЗон NEXT» һәм прицеплы «КамАЗ» бәрелешкән. Фаҗигадә 3 кеше һәлак булган. Бу турыда Эчке эшләр министрлыгының Белгород өлкәсе буенча идарәсе хәбәр итте.
Мәрхүмнәр 3 машинаның йөртүчесе. Якынча белешмә буенча, аларда пассажирлар булмаган.
Тикшерү эшләре бара, диелә хәбәрдә.
«Вести» каналы белешмәсе буенча, бәрелешкәч, машиналарга ут капкан. Прицеплы «КамАЗ»га вак таш төялгән булган. Авария вакытында «ГАЗон NEXT» һәм «КамАЗ» шунда ук яна башлаган. «ВАЗ - 2106» юл кырыена төшеп киткән һәм ян-ягына ауган.
Фото: © 31.мвд.рф