Әби трактор таптагач исән калган һәм авариягә очраган ашыгыч ярдәм машинасында үлгән
167
Краснодар краеның Ейск шәһәрендә авариядә 74 яшьлек хатын-кыз һәлак була. Биредә яшәүчеләр сүзләренчә, әбине иртәнге якта трактор таптый. Җитди имгәнгән карчыкны Краснодарга ашыгыч ярдәм машинасы белән алып китәләр. Тик юлда ашыгыч ярдәм машинасы йөк машинасына бәрелә. Әби һәлак була. Бу турыда «Комсомольская правда» хәбәр итте.
«1 сентябрьдә 20.40 сәгатьтә Краснодар-Ейск юлында ашыгыч ярдәм һәм ГАЗон машиналары бәрелешә. 74 яшьлек хатын-кыз һәлак була», – диелә Эчке эшләр министрлыгының Краснодар крае буенча идарәсе хәбәрендә.
Ашыгыч ярдәм йөртүчесе, фельдшер имгәнә, аларны хастаханәгә салганнар. Йөк машинасын йөртүчене реанимациягә озатканнар. Авария китереп чыгаручы әлегә билгеле түгел, тикшерү бара, диелә хәбәрдә.