Лезэв вастовомат раськень теварсевкстнэнь топавтомга (эрзя)
Мордовиянь Прявтось Артём Здунов Московсо вастневсь Роман Новиков Росавтодоронь прявтонть марто. Кортнезель китнень строямось ды витнемась. «Эрямонь туртов инфраструктура» президентэнть арсеманзо коряс топавтовиця раськень теварсевксэнть вельде республикась теи Ковылкинасо чугункань кинть трокс молиця транспортонь развязка. Кись вейсэндясынзе ошонь кавто районтнэнь. Важодематне молить шкадо икеле. Педе пес весемесь топавтови те иень прядовомсто. Арсеви Саранск – Рузаевка кинть витнемазояк. Теде башка региононь ветицясь Сергей Катырин Россиянь Федерациянь Торгово-промышленной палатань прявтонть марто вастовомасо кортнизь кудораськень бизнеспроекттнэнь, креативной экономикань кастоманть ды республикань предприятиятнень раськеютконь рынкатнес ливтеманть.