Су басканда автомобильне ничек саклап калырга – Оренбург ирләреннән лайфхак
Оренбургта моңа кадәр күрелмәгән дәрәҗәдә су басу күзәтелә – Урал елгасы 10 метрга күтәрелгән. Моңа кадәр беркайчан да су басмас дип уйланылган урыннарны да су баскан.
Оренбург янындагы «Соловушка» бакча ширкәте дә су баскан урынга эләгә, дип яза «База». Тиз генә бу торак пункттан чыгып китмәгән, яки берәр сәбәп – әйтик, төзек булмау, эштә булу сәбәпле автомобилен алып чыгып китмәгән кешеләрнең машиналары да бата. Андрей ел әйләнәсе бакча ширкәтендә яшәгән, барыр урыны булмаган. Ул автомобилен коткару ысулын тапкан. Аның бик нык сыра яратуы, физиканы белүе һәм башы эшләве булышкан. Ул тиз генә сал ясый. Бүрәнәләргә 30 зур сыра шешәсе бәйләп куя һәм машинасына беркетә. Су баскач, машинасы су белән бергә күтәрелә. Видеодан күренгәнчә, күршесенең машинасы тулысынча суга баткан.
Андрей әйтүенчә, бу бакча ширкәтендә 20 автомобиль баткан. Аларга әле компенсация дә бирелми икән – ул шәһәрдә теркәлгән, шул сәбәпле, шунда яши дип карала.
Ә кешеләр исә төрлечә үз күңелләрен күрә. Степан исемле саксофонист су баскан урыннарда саксофонда уйнап йөри. Ул да, Андрей кебек үк, су баскан йортын ташлап чыгып китмәгән – чөнки шәһәрдә мародерлардан, ягъни хуҗасыз калган йортларда урлашучылардан курка.
Оренбургның су баскан коттедж бистәсе: