Лаешта коточкыч авария: өч машина бәрелешкән, ике кеше үлгән
20
Кичә Лаеш районында өч машина бәрелешкән, ике кеше һәлак булган. Бу турыда «Татарстан 24» каналы Татарстан Дәүләт автоинспекциясенә сылтама белән хәбәр итте.
Якынча белешмә буенча, Hyundai белән идарә итүче хатын-кыз каршы як полосага чыга, биредә ул Toyota һәм Audi машиналарына бәрелә.
Hyundai йөртүчесе дә, пассажиры да урында ук үлгән, диелә хәбәрдә.